Бұқтырма су қоймасы арқылы өтетін көпір 25 қазанда ашылады.
Екі жолақты көпірдің құрылысы 2021 жылы басталған. Ал құрылымдық сынақтар 2024 жылдың 14 қазанында аяқталды. Көпірді тексеру үшін 15 жүк автокөлігінен тұратын колонна пайдаланылды. Олардың жалпы салмағы 450 тоннаға жеткен, деп хабарлайды aqshamnews.kz.
Бұл Қазақстандағы ең ұзын көпір, ұзындығы 1 316 метр, және ол өңір үшін стратегиялық маңызға ие.
Көпір Жарма, Қатон-Қарағай, Күршім, Көкпекті, Зайсан және Алтай аудандарын үздіксіз көлікпен байланыстырады. Бұған дейін су қоймасын кесіп өту үшін паром пайдаланылып келген. Ал қыста адамдар мұз бетімен жүріп өтетін.