Аспанда бірнәрсе анықталып жатса, ол жалғыз емес дегенді білдіреді
Британдық ғалымдар «ақ ергежейлі» орбитасынан тіршілікке қолайлы ғаламшарды анықтады, деп хабарлайды Almaty-akshamy.kz ҚазАқпаратқа сілтеме жасап.
BBC-дің мәліметінше, Британияның астрономиялық қоғамының бюллетенінде жарияланған зерттеу нәтижесіне сай, ғаламшар «ақ ергежейлі» жұлдыздың орбитасынан табылған. Егер ғалымдардың нәтижелері нақтыланса, бұл осындай жұлдыз орбитасындағы тіршілікке қолайлы бірінші ғаламшар болмақ.
«Біз «ақ ержегейлі» айналасында мұндай құбылысты бірінші рет бақылып отырмыз», - деді зерттеу жетекшісі, Лондон университеттік колледжінің профессоры Джей Фарихи. – Сол себепті оның орбитасын айналатын ғаламшарда тіршілік болуы мүмкін.
Енді астрономдар басқа «ақ ергежейлілер» айналасында жаңа ғаламшарларды іздеуі керек. Аспанда бірнәрсе анықталып жатса, ол жалғыз емес дегенді білдіреді. Бұл астрономиядағы қалыпты жағдай», - дейді Фарихи.