Тимбалэнд пен Николь Шерзингер бастаған әлемге танымал жұлдыздар биыл Қазақстанда концерт береді, деп хабарлайды Aqshamnews.kz тілшісі.
Бұл туралы «Kazakh Tourism» ұлттық компаниясы» АҚ басқарма төрағасы Талғат Ғазизов мәлімдеді. Оның айтуынша, 2026 жылы елімізде әлемдік деңгейдегі әртістердің қатысуымен бірқатар ауқымды концерттік іс-шаралар ұйымдастыру жоспарланған.
«Алғашқы ірі концерт мамыр айына белгіленген. Оған Тимбалэнд, Николь Шерзингер, Баста Раймс және басқа да танымал орындаушылар қатысады», – деді ол Үкімет отырысында.
Талғат Ғазизовтің сөзінше, жыл соңына дейін Қазақстанда кемінде бес ірі халықаралық концерт өткізу көзделіп отыр.