«Теңізшевройл» компаниясы Қазақстанда өтіп жатқан «Таза Қазақстан» экологиялық акциясына қатысып, Дүниежүзілік тазалық күні аясында Құлсары қаласында сенбілік ұйымдастырды, деп хабарлайды Aqshamnews.kz
Іс-шараға ТШО мен серіктес ұйымдардан 150 адам, барлығы 200-ге жуық қатысушы атсалысып, Камыскөл набережнаясы бойынан 60 текше метр қоқыс жинады. Қоқысты арнайы техникамен «Жылыой Тазалык» мекемесі шығарды.
ТШО өкілі Нұртас Кеңғанов бұл бастаманы компанияның экологиялық жауапкершілік аясындағы тұрақты әрекеттерінің бірі екенін атап өтті. Ал Құлсары тумасы, мердігер қызметкер Ерік Смаилов туған қаласының тазалығына үлес қосқанына қуанышты екенін жеткізді.
Айта кетейік, ТШО өндірістік қалдықтардың 82%-ын қайта өңдеп, 49% суды қайта пайдаланып келеді.