Теңіз кен орнында мұнай өндіру қайта іске қосылды, деп хабарлайды Aqshamnews.kz тілшісі ҚР Энергетика министрлігі мәліметіне сүйеніп.
Оперативті штаб дерегінше, бүгін сағат 03:35-те алғашқы ұңғыма ГЗУ-52 сәтті ашылды. PBF нысанының технологиялық қондырғылары іске қосылып, штаттық режимде жұмыс істеп тұр.
Қазіргі таңда пайдалануға 5 ұңғыма енгізілген. Теңізшевройл мамандары келесі топтық өлшеу қондырғысын ГЗУ-53-ті іске қосуға дайындап жатыр. Өндіріс көлемі технологиялық параметрлер тұрақтануына қарай кезең-кезеңімен ұлғайтылады және қауіпсіздік талаптары қатаң сақталады.
Айта кетейік, 26 қаңтарда Екінші буын зауыты іске қосылған еді. Министрлік пен ҚазМұнайГаз жобаның жоспарлы қуатқа шығу мерзімін қысқарту үшін операторға жан-жақты қолдау көрсетіп отырғанын хабарлады. Қалпына келтіру жұмыстарының үйлестіруіне вице-министр Қайырхан Тұтқышбаев өндіріс нысандарында жүр.