Темекі түтіні мен тұқылдарындағы улы заттар антибиотиктерге төзімді бактериялардың өсуі мен таралуына ықпал етіп, экология мен темекі шегушілердің денсаулығына қауіп төндіреді.
Бұл туралы Дрезден техникалық университетінің ғалымдары Environmental Health Perspectives журналында жарияланған зерттеуінде мәлімдеді, деп хабарлайды aqshamnews.kz.
Зерттеу авторларының деректеріне сәйкес, темекі сүзгілері суға түскенде қауіпті микроорганизмдердің көбеюіне жағдай жасайды. Темекі тұқылдарында мекендейтін бактериялар антибиотиктерге төзімділікке ие болып, кейін өзендер, көлдер мен жағажайлар арқылы таралып, адамдар үшін қауіп төндіреді.
Темекі шегудің қауіптілігі тек қоршаған ортаның ластануымен шектелмейді. Эксперименттер көрсеткендей, темекі шегушілердің өкпесінде бактериялар арасында төзімділік гендерінің берілуіне қолайлы жағдайлар қалыптасады. Бұл пневмония сияқты жұқпалы аурулардың емделмеу ықтималдығын арттырады.
Ғалымдар мұндай өзгерістер стандартты терапияға бағынбайтын өлімге әкелетін инфекциялардың көбеюіне әкелуі мүмкін екенін атап өтеді. Олар антибиотиктерге төзімді бактериялардың таралуын бәсеңдету үшін темекі қалдықтарын кәдеге жаратуды қатаң бақылауды ұсынуда.