Алматы облысының әкімі Қанат Бозымбаев Текеліде лай көшкіні кезінде көз жұмған қыздың отбасына көңіл айтып, зардап шеккендерге қолдау көрсетуге уәде берді.
15 мамыр күні сағат 12:00-де Текелі қаласында топырақтың артық ылғалдануынан тау баурайының етегінде орналасқан тұрғын үйлер лай көшкінінен зардап шекті, деп хабарлайды Almaty-akshamy.kz
«Текеліде лай көшкіні жүрді. Бірнеше жекеменшік тұрғын үй бүлінді. Өкінішке қарай, 2016 жылы туған қыз бала көз жұмды. Жедел қызметтер жұмыс істеп жатыр. Зардап шеккендерге баспана беріліп, көмек көрсетіледі. Марқұмның жақындарына қайғыра көңіл айтамын. Жаны жәннатта болсын!», - деп жазды өңір басшысы әлеуметтік желіде.
Еске сала кетейік, көшкін кезінде бес жасар қыз қайтыс болды.