Алматыда соқтығысқан екі автобустың тежегіштері істен шыққан деген ақпарат шындыққа жанаспайды. «Алматыэлектрокөлік» ЖШС осындай ақпарат берді.
8 қараша күні Абылай хан даңғылы мен Төле би көшесі қиылысында жол-көлік оқиғасы орын алды, деп хабарлайды Almaty-akshamy.kz.
«Алматыэлектркөлік» ЖШС автобустар тежегіштерінің істен шыққандығы туралы ақпараттың шындыққа жанаспайтындығын хабарлайды.
2022 жылдың 23 қыркүйегінде №201 маршруттың автобустарының саны арттырылып, жаңартылды. ЛиАЗ маркалы 18 автобустың орнына 2022 жылы құрастырылған Golden Dragon маркалы 24 автобус жолға шығарылды. Аталған шара жолаушылар тарапынан сұрасныстың артуына байланысты қолданылды.
Автобустар ауыстырылғаннан кейін жүріс интервалы 12 минуттан 6-7 минутқа дейін қысқарды. Аталған автобустар биыл мамыр айында сатып алынды, қазіргі кезде шығарушы зауыттың кепілдемесінде, техникалық ақаулары жоқ, техникалық түйіндері мен агрегаттары, сондай-ақ тежегіштері ақаусыз жұмыс атқарып тұр.