Алматы электромобиль иелеріне автокөліктерін коммуналдық тұрақтарда тегін қалдыру үшін қандай қадамдар жасау керектігі айтылды, деп хабарлайды aqshamnews.kz.
2024 жылдың 18 қыркүйегінен бастап электромобильдерге арналған тегін тұраққа қатысты жаңа заң күшіне енеді. Осыған орай, «Алматы паркинг» коммуналдық ақылы тұрақ операторы электр тартқышы бар көлік құралдарын арнайы тізілімге қосу рәсімін түсіндірді.
«Электромобильдердің иелері коммуналдық тұрақты пайдаланғаны үшін төлемнен босатылуы үшін тиісті құжаттарын ұсынуы қажет. Жеңілдіктер тізіліміне қосылу үшін электромобиль иелері «Алматы паркингі» мекемесіне тікелей жүгіне алады немесе техпаспорттың сканерленген нұсқасын қосып, «Е-Өтініш» порталы арқылы өтініш бере алады», – деп мәлімдеді кәсіпорын.
Кәсіпорынның айтуынша, өтініштер мен құжаттар қаралғаннан кейін, электр көлігі иелерінің деректері тізілімге қосу туралы шешім қабылданады. Өтінімді қарау мерзімі 15 күнтізбелік күнді құрайды, және әр өтініш берушіге ресми жауап беріледі. Бұл процедураны бір жылдан кейін қайта өту керек, себебі тізілім жыл сайын жаңартылып отырады.