Президент Қасым-Жомарт Тоқаевтың «Әділетті Қазақстан: заң мен тәртіп, экономикалық өсім, қоғамдық оптимизм» атты Жолдауында және Мемлекет басшысының өзге де тапсырмаларын жүзеге асыру аясында «Таза Қазақстан» экологиялық бастамасы кең көлемде қолға алынды.
Бастама аясында республика бойынша 1 мыңнан астам экологиялық акция ұйымдастырылып, оған 10,4 миллионнан астам азамат қатысты. Оның ішінде 586 мыңнан астамы ерікті болды. Бұл – қазақстандықтардың табиғатқа жанашырлықпен қарап, ортақ іске жұмыла алатынын көрсететін айқын дәлел.
Экология және табиғи ресурстар министрі Ерлан Нысанбаевтың айтуынша:
«Жалпы 1,6 млн тоннадан астам қалдық жиналып, 859,6 мың гектардан астам аумақ тазартылды».
«Таза Қазақстан» тек қоқыс жинау науқаны ғана емес, ол экологиялық мәдениетті қалыптастыруға бағытталған қоғамдық қозғалысқа айналды. Әрбір азаматтың өз үйінің ауласын, өз көшесін тазартуға қосқан үлесі тұтас елдің экологиялық болашағына әсер етеді.
Бұл бастама:
-
азаматтық жауапкершіліктің өсуіне,
-
экологиялық сана-сезімнің қалыптасуына,
-
қоғамда бірлік пен ортақ мүддені қорғау мәдениетінің нығаюына ықпал етті.
Нәтижесінде, Қазақстан тұрақты экологиялық даму бағытын нақтылап, табиғатқа жанашырлықпен қарау мәдениетін нығайтып келеді. Президент Жолдауында айтылғандай, мемлекет пен қоғам күш біріктірсе, кез келген игі істің жемісті болатынын «Таза Қазақстан» бастамасы айқын көрсетті.