Айнұр БЕГІМБАЕВА, Энергетика және жасыл технологиялар институтының директоры:
Соңғы 10 жылда Қазақстанның ғалымдары орташа жылдық температураның шамамен 7%-ға артқанын атап өтті. Бұл өзгеріс 2016 жылмен салыстырғанда орын алып отыр. Яғни, климаттың өзгеруі біз ойлағаннан әлдеқайда тез, бір ұрпақтың көз алдында жүріп жатыр. Біз қазіргі уақытта климаттық күн тәртібінде белгіленген нормалардан асып кетудеміз.
Климаттың өзгеруімен күресу, және бұл өзгерістердің терең әрі қауіпті салдарын болдырмау үшін жаңа энергетикалық шешімдер қажет. Осы мақсатта атом электр станцияларын салу маңызды. Атом генерациясы қазіргі уақытта төмен көміртекті энергия көздерінің ең тиімдісі ретінде дәлелденген. Ол бізге парниктік газдардың шығарындыларын азайтып, экологиялық тепе-теңдікті сақтауға мүмкіндік береді.
Атом энергетикасын дамыту біздің алдымызда тұрған тұрақты дамудың бірнеше маңызды мақсаттарына қол жеткізуге көмектеседі. Біріншіден, бұл таза энергияға қол жеткізу және оны халыққа қолжетімді ету мүмкіндігін береді. Таза энергияға көшу – бүгінгі күннің басты міндеттерінің бірі. Екіншіден, бұл климаттың өзгеруіне қарсы күрестің ең тиімді жолдарының бірі. Атом энергетикасы көміртегі ізін азайтып қана қоймай, бізге экологиялық тұрақтылықты қамтамасыз етуге мүмкіндік береді.
Атом электр станцияларын салу – Қазақстанның энергетикалық болашағын және климаттың өзгеруіне қарсы күрестегі табысын қамтамасыз ететін негізгі қадам. Климаттың өзгеруі біздің қолымыздағы шешімдерге тәуелді, сондықтан бүгіннен бастап батыл әрекет етуіміз қажет.