Зерттеушілер электронды сигаретті көп тұтынатын жасөспірімдердің өз жасынан ересек көрінетінін айтады.
45 жастан асқандарға қарағанда, электронды сигаретке Z ұрпақ айрықша құмар, деп хабарлайды Almaty-akshamy.kz
Хош иісті сигареттің құрамында қауіпті химиялық заттар мен микроорганизмдер бар, кей жағдайда тыныс жолының ауруларына соқтырады.
Вейп теріге зиян, никотин секілді улы химиялық заттар иммундық жүйеге әсер етіп, созылмалы ауру туғызады. Псориаз, т.б. тері аурулары қозады. Тері қызарып, теңбіл-теңбіл болып кетеді.
Күннің сәулесі мен вейптің әсері қосылғанда тіпті теріге қан келуін тежеп, тері жасушаларының жаңарып отыруы қиындайды.
Электронды сигарет теріні құрғатып, әжімді көбейтеді. Вейп тұтынатын жастардың жасынан ересек көрінетіні содан дейді зерттеушілер. «Тәтті түтінге» құмарлардың аузынан жағымсыз иіс шығып, тісі мен өңі сарғыш тартады. Сигареттің картриджіндегі хош иістің құрамынан жұмбақ аурулар тудыратын коктейль анықталған.