Фестиваль Қазақстанның тағы 18 қаласында
Бүгін Талдықорғанда Tartyl Fest турникке тартылу бойынша екінші спорттық фестивальға 288 адам қатысты. Төрешілер алқасы жасы мен салмағына қарай 9 санатқа бөлінген жарыстың жеңімпаздарын анықтады, деп хабарлайды Almaty-akshamy.kz ҚазАқпарат-қа сілтеме жасап.
Жарыста 80 және 65 кг дейінгі салмақта 38 жастағы Мадияр Байзақов мен 19 жастағы Нурбатур Худайбердиев - бірдей рекорд жасап, 35 рет тартылды.
Қалған жеті жеңімпаз бен 200 000 теңгенің толық иегерлері былайша бөлінді: Әлшер Сыдықбаев, Бекберген Кенжебаев, Ислам Усманов; Асқар Сейдахмет, Мерхат Талғатұлы; Ғалым Жылқыбеков, Әділет Мақсұтов.
Екінші орын және 100 000 теңгенің иегерлері: 1. 18 жасқа дейінгі жас санатында: Арынай Ерқанат - 25 рет, Әлімжан Абилхамит - 26 рет, Салих Қалдыбаев - 21 рет. 2. 18-30 жас аралығында: Стас Конради - 33 рет, Владислав Фидотов - 33 рет, Алишер Кадыров - 22 рет. 3. 30 жастан жоғары: Ержан Әбілмансұров - 32 рет, Ерден Нұрдәуітов - 21/22, Самат Қабимолдаев - 21 рет.
Үшінші орын және 50 000 теңге алғандар: 1. 18 жасқа дейінгі жас санатында: Әлихан Темірғали - 25 рет, Мәди Әуелбек - 25 рет, Сұлтан Серікұлы - 22 рет. 2. 18-30 жас аралығында: Мирас Айдарұлы - 32 рет, Нуриддин Айнитдинов - 31 рет, Әділхан Қуаныш - 21 рет. 3. 30 жастан жоғары: Рауан Шонбаев - 30 рет, Руслан Түстікбаев - 19 рет, Абзал Калиякперов - 19 рет. Фестивальдің ең жас қатысушысы - Егор Горяев, 7 жаста, 4 рет тартылды.
Ал жасы ең үлкен 63 жастағы қатысушы - Әбдуәли Тастанов. Ол армрестлингтен әлем чемпионатына дайындалуда. Сондай-ақ, екі жас қыздарды да атап өткіміз келеді: 13 жастағы Лашын Мырзакұл - 5 рет тартылды және 12 жастағы Арина Уткина - 13 рет тартылды.
Талдықорғандағы Tartyl Fest-те тартылулардың жалпы саны - 4 731. Фестивальдің арнайы қонақтары Нұрлан Қоянбаев және 2RAR.
Фестиваль Қазақстанның тағы 18 қаласында өтеді және 6 қыркүйекте Нұр-Сұлтан қаласында аяқталады. Елордада Гранд-финал болады, онда бірінші орын үшін ҚР 20 қаласының жеңімпаздары күреседі. Естеріңізге сала кетейік, Tartyl Fest Қазақстанда алғаш рет Қазақстан Республикасы Президентінің жанындағы «Дара» дарындыларды қолдау қоры» қоғамдық қорының ұйымдастыруымен өткізілуде.
Фестиваль енді өтетін қалалардың нақты тізімі:
1. Алматы 17 шілде
2. Тараз 20 шілде
3. Шымкент 23 шілде
4. Түркістан 25 шілде
5. Қызылорда 27 шілде
6. Ақтау 31 шілде
7. Атырау 3 тамыз
8. Орал 6 тамыз
9. Ақтөбе 9 тамыз
10. Қостанай 12 тамыз
11. Петропавл 15 тамыз
12. Көкшетау 18 тамыз
13. Жезқазған 21 тамыз
14. Қарағанды 24 тамыз
15. Павлодар 27 тамыз
16. Семей 30 тамыз
17. Өскемен 2 қыркүйек
18. Нұр-Сұлтан 6 қыркүйек