Биыл тамызда қазақстандықтар Конституция күніне байланысты бір күн артық демалады, - деп хабарлайды Aqshamnews.kz.
Конституция күні — Қазақстанның басты мемлекеттік мерекелерінің бірі. Бұл күні ел 1995 жылы қабылданған, мемлекеттің құқықтық және саяси негіздерін айқындайтын Ата Заңның қабылдануын атап өтеді. Мереке жыл сайын 30 тамызда тойланады.
2025 жылы Конституция күні қалай демаламыз?
Бес күндік жұмыс аптасындағылар үшін:
Аптасына бес күн жұмыс істейтіндер Конституция күні қосымша бір күн демалады. 2025 жылы 30 тамыз сенбіге түсіп тұр, сондықтан "Мерекелер туралы" заңға сәйкес, демалыс күні 1 қыркүйек дүйсенбіге ауыстырылады.
Осылайша, аптасына бес күн жұмыс істейтіндерге тамызда 10 демалыс күні болады. Демалыс күндерінің кестесі мынадай:
-
30, 31 тамыз және 1 қыркүйек – демалыс күндері.
Алты күндік жұмыс аптасындағылар үшін:
Алты күн жұмыс істейтіндер де 30 тамызда қосымша демалады. Демалыс кестесі:
-
30 және 31 тамыз – демалыс,
-
1 қыркүйек – жұмыс күні.
Алты күндік кестемен жұмыс істейтіндер тамызда 6 күн демалады.
Конституция күні қалай атап өтіледі?
Конституция күні елде салтанатты шаралар, концерттер мен көрмелер ұйымдастырылады. Халық Ата Заңға арналған түрлі акциялар мен флешмобтарға қатысады.
Тамыздағы басқа да маңызды күндер:
-
3 тамыз (тамыздың алғашқы жексенбісі) – Көлік қызметкерлері күні
-
10 тамыз – Абай күні
-
10 тамыз (екінші жексенбі) – Құрылысшылар күні
-
18 тамыз – Шекарашылар күні
-
18 тамыз – Спорт күні
-
29 тамыз – Семей ядролық полигонының жабылу күні
-
31 тамыз (тамыздың соңғы жексенбісі) – Кеншілер күні