2025 жылғы 26 қыркүйекте Талдықорған қаласында, Орталық неке сарайында «Ауыл» партиясының Алматы қаласы, Алматы облысы және Жетісу облысы бойынша топтастырылған өңірлік семинары өтті. Іс-шараға партияның аймақтардағы белсенділері, мәслихат депутаттары, бастауыш партия ұйымдарының өкілдері мен партия мүшелері қатысты.
Семинардың ашылуында «Ауыл» партиясы Төрағасының орынбасары Қуаныш Қабыкенұлы Сейтжанов сөз сөйлеп, өңірлердегі партия жұмыстарының барысына кеңінен тоқталды.
Негізгі мақсаттар
Семинардың басты мақсаты – ел дамуының стратегиялық бағыттарын талқылау, ауылдық жерлердің әлеуметтік-экономикалық жағдайын жақсарту жолдарын қарастыру, сондай-ақ партия мүшелерінің кәсіби біліктілігін арттырып, өзара тәжірибе алмасуға мүмкіндік беру болды.
Партияның ұстанымы
«Ауыл» партиясы әрқашан қарапайым еңбек адамының мүддесін қорғауды және ауылдық аймақтарды өркендетуді негізгі бағыты ретінде ұстанып келеді. Осыған орай ұйымдастырылған өңірлік семинарлар партия мүшелерінің бірлігін күшейтуге, қоғамдық келісімді сақтауға және халық сенімін арттыруға қызмет етеді.