Қазақстан Республикасы Көлік министрлігі мүдделі мемлекеттік органдармен бірлесіп, таксомоторлық тасымалдау саласында заңнама талаптарының сақталуын қамтамасыз ету бойынша шаралар қабылдауда, деп хабарлайды aqshamnews.kz.
"Автомобиль көлігі туралы" Қазақстан Республикасы Заңының талаптары:
Такси қызметін жүзеге асыру үшін азаматтар дара кәсіпкер немесе заңды тұлға ретінде тіркелуі тиіс.
Қызметті бастамас бұрын жергілікті атқарушы органға такси қызметін бастау туралы хабарлама жіберу қажет.
Такси қызметіне мобильдік қосымша арқылы тапсырыс беруді тек тіркелген және ресми түрде қызмет көрсетуді бастағаны туралы хабарлама берген кәсіпкерлер ғана жүзеге асыра алады.
Қазақстан аумағында шетелдік тіркеу нөмірі бар немесе рөлі оң жақта орналасқан көліктермен жолаушыларды тасымалдауға тыйым салынған.
Жолаушылардың қауіпсіздігін қамтамасыз ету бойынша ұсыныстар:
Сапар басталар алдында көлік маркасы мен нөмірін, жүргізушінің фотосуретін қосымшадағы ақпаратпен салыстырыңыз.
Ақпарат сәйкес келмесе, сапардан бас тартып, қолдау қызметіне хабарласыңыз.
Сапар барысында қауіпсіздік белдігін тағуды ұмытпаңыз.
Жол жүру кезіндегі заң бұзушылықтар немесе жүргізушінің мінез-құлқына қатысты қолдау қызметіне уақтылы хабарлаңыз.
Жолаушылар мен тасымалдаушылардан заңнамалық талаптарды сақтауды және құқық бұзушылықтарды уақытылы құқық қорғау органдарына хабарлауды сұраймыз.
Такси қызметінде сапаны және қауіпсіздік мәселесіне мән берген жөн.