Қостанай облысында өрттен бір үйдің 5 баласы қайтыс болды.
Оқиға Жітіқара қаласында таңғы сағат 4:29-да жеке ауланың аумағында болған, деп хабарлайды aqshamnews.kz
Өрттен тұрғын үйдің төбесі құлаған. Құтқарушылар оқиға орнына 7 минут ішінде жеткен.
“Өрт болған кезінде үйде үлкендердің қарауынсыз 2011, 2016, 2018, 2019, 2022, 2023 жылдары туған, кәмелетке толмаған балалар болған. Үйінділерді тазалау кезінде бес баланың мәйіті табылды. 2011 жылы туған үлкен бала зардап шекпеген”, - делінген ақпаратта.
Алдын ала ақпарат бойынша, өрт пештен шыққан. Балалардың анасы кешке таяу танысына кеткен. Жұбайы түрмеде отыр.
Жергілікті билік көмек көрсететінін хабарлады. Төтенше жағдайлар министрлігі балаларды қараусыз қалдырмау керектігін ескертеді.