Сенат депутаттары ойын бизнесіне қатысты өзгерістерді мақұлдады.
Заң президенттің қол қоюына жіберілді, деп хабарлайды aqshamnews.kz
"Ойын бизнесі туралы" заңға енгізілген түзетуге сәйкес, тағы бір санатқа кіретін адамдарға құмар ойынға қатысуға тыйым салынды. Олар – бас бостандығын шектеуге сотталған немесе шартты түрде сотталған адамдар. Бұл олардың әлеуметтік қайта бейімделуіне, қоғамға сіңісіп кетуіне үлкен көмек болады", - дейді сенаторлар.
Айта кетері, былтыр қазақстандықтардың белгілі бір тобына құмар ойындарға қатысуға және бәс тігуге тыйым салынған болатын.
Олар:
21 жасқа толмаған азаматтар;
ойын және бәс тігуге қатысуы шектелген, соның ішінде өзін-өзі шектеген (6 айдан 10 жылға дейін) азаматтар;
борышкерлердің бірыңғай тізіліміне сәйкес өтелмеген міндеттемелері бар тұлғалар;
мемлекеттік қызметшілер;
әскери қызметкерлер;
арнайы мемлекеттік органдардың қызметкерлері.
Олар тыйымды бұзғаны үшін жұмыстан босатылады.