🍊Құрма – калий, магний мен клетчаткаға бай және оның құрамында табиғи қант бар. Бұл жеміс жүректің саулығына пайдалы, қан қысымын реттейді, ас қорытуға жақсы. Тәттілігіне қарамастан, құрманың гликемия индексі төмен, сондықтан қанттың орнына жеуге болады.
🍍Ананастың құрамындағы бромелайн деген табиғи фермент ақуызды, жалпы жеген тамақты қорытуға көмектеседі. Оған қоса қабынуға қарсы қасиеті бар, дене қимылынан кейін қалпына келуді жеделдетеді.
🍃Жалбыз іш кепкенде, асқазандағы спазм кезінде жақсы көмектеседі.
🍮Табиғи какао ұнтағы флавоноидқа бай, ол қан айналымын жақсартады, миға пайдалы. Какао күйзелісті басады. Әрине, өте көп ішпеген жөн.
🥣 Қарақұмықтың құрамында рутин – антиоксидант көп. Ол қан тамырын нығайтады, варикоздың алдын алады, жүрекке пайдалы. Қарақұмықта глютен жоқ. Ол темір мен магнийге бай, дене қуаты мен жүйке жүйесіне жақсы әсер етеді.
🍏 Адам ағзасы тек детокс-диетамен тазаланады деген дұрыс емес. Өйткені:
Біздің ағзамыз бауыр, бүйрек, ішек пен лимфа жүйесі арқылы өзін-өзі тазалайды.
Кейбір детокс-диета, мысалы тек жеміс шырынын ішу ағзаға зиян тигізуі мүмкін, өйткені ақуыз бен майлар жетіспей қалады.
✔️ Ең дұрысы, табиғи детокс – балансты сақтай отырып құнарлы тамақ жеу және қажетті деңгейде су ішу.
Ол үшін:
Күнделікті рационға жеміс-көкөніс қосу, олар бауыр мен ішек жұмысын жақсартады.
Су ағзадағы токсиндердің табиғи түрде шығуына көмектеседі.
Қантты, алкоголь мен қатты өңделген өнімдерді (мысалы, ұзақ сақталатын тағамдар, консервілер) аз пайдалану керек. Олар бауырға зиян.