Суыққа тоңбайтын адам
Голландиялық Вим Хоф өзінің суықты сезбейтін ерекше қабілетімен бүкіл әлемді таңғалдырды. Адам ағзасы үшін өте төмен температура оның денесіне әсер етпейді, деп хабарлайды Almaty-akshamy.kz Egemen.kz-ке сілтеме жасап.
Вим Хоф тоғыз әлемдік рекорд жасады. Ол 2000 жылы 57,5 метрді 61 секундта жүзіп өткен. Бір қарағанда, таңғаларлық ештеңе жоқ, бірақ бұл жүзу Финляндиядағы қатып қалған көлдің, яғни мұз астында болған. Әдеттегідей ол тек жылы леггинстер мен шұлықтар киетін. 2006 жылы жай шортымен Монбланды бағындырды.
Келесі жылы ол барлық альпинистердің арманы - Эверестті бағындыруға тырысты. Бірақ ол тек іш киімімен тауға қайта көтерілгендіктен, оның аяқтарының башпайларын үсік шалған. 2008 жылы Вим мұз толтырылған шыны ыдысқа отырып, өзінің рекордын жасады. Бұған дейін ол жерде 64 минуттай тұрса, енді жаңа әлемдік рекорд - 73 минут болды. Ғалымдар үшін голландиялық азамат әлі ашылмаған жұмбақ болып қала береді. Көптеген сұхбаттарында Хоф бұл тек дене мен рухты қатты жаттықтырудың нәтижесі екенін айтады.
Қалай десек те, мұндай қабілет - ұзақ дайындықтың, төзімділік пен қайсарлықтың жемісі.