Есіл өзені деңгейінің көтерілуіне байланысты Солтүстік Қазақстан облысы Қызылжар ауданы Тепличное ауылының ауданында тұрғын үйлердің су басуын болдырмау үшін жағалауларда қорғаныш білігін нығайту жұмыстары жүргізілуде. Қазіргі уақытта елді мекендерге қауіп төніп тұрған жоқ, жағдай бақылауда, деп хабарлайды aqshamnews.kz.
Ведомство басшысы генерал-майор Шыңғыс Әрінов Солтүстік Қазақстан облысында жедел қызметтердің іс-қимылын үйлестіруде. Ол нығайту жұмыстарына инспекция жүргізді, барлық тартылған құрылымдардың өзара іс-қимылын қамтамасыз етіп, күшейтілген режимде су тасқынына қарсы іс-шаралардың орындалуын бақылауда.
Су тасқынына қарсы іс-шараларға ТЖМ, ІІМ, ҚМ, жергілікті атқарушы органдардың Ұлттық ұланның және ТЖМ әскери бөлімдерінің жеке құрамынан 1 600-ден астам адам, 152 арнайы бірлік техника жұмылдырылды.
Қазіргі уақытта су сору, қорғаныш құрылыстарын нығайту, сондай-ақ су деңгейі мен гидротехникалық объектілердің жай-күйіне тәулік бойы мониторинг жүргізу жұмыстары жүргізілуде.
Жағдай ТЖМ тұрақты бақылауында, шұғыл қызметтер тәулік бойы жұмысын жалғастыруда.