Осы қыркүйектен бастап аймақтарға байланысты және ресми статистикалық мәліметтерге сәйкес, еңбекақы орта есеппен 35-50%-ға көбейеді, деп хабарлайды aqshamnews.kz
Қазақстанда су шаруашылығы қызметкерлерінің жалақысын энергетика саласы мамандарының деңгейіне дейін көтеруді көздейтін «Табиғи монополиялар туралы» заңға енгізілген түзетулер күшіне енді. Қазір құзырлы министрліктер осы заңды іске асыруға бағытталған нормативтік-құқықтық актілерді тіркеу жұмыстарын жүргізіп жатыр.
Жалпы, ел бойынша сумен жабдықтау және су бұру қызметтерін көрсететін 25 мыңнан астам қызметкердің жалақысы өседі.
2024 жылы «Қазсушар» РМК қызметкерлерінің еңбекақысы 25 пайызға көбейтілген еді.