«Өрлеу» БАҰО» АҚФ «Алматы қаласы бойынша Кәсіби даму институты» 2025 жылғы 12 желтоқсанда орта, техникалық және кәсіптік білім беру ұйымдарының педагогтеріне арналған «STEM – педагог» тақырыбындағы республикалық байқау өткізді.
Байқаудың миссиясы – педагогтердің тиімді әрі жаңашыл тәжірибесін қолдау және тарату арқылы білім беру сапасын арттыруға ықпал ету.
Республикалық байқаудың негізгі мақсаты – STEM-білім беру саласындағы педагогтердің инновациялық тәжірибесін анықтау, қолдау және насихаттау.
Жобаның талаптарына сәйкес, қатысушылар STEM әдіснамасының негізгі компоненттерін (ғылым, технология, инженерия, математика) қолдана отырып, инновациялық идеялар мен нақты практикалық нәтижелер ұсынды. Сондай-ақ оқушылардың зерттеушілік, шығармашылық және технологиялық дағдыларын дамытуға, экологиялық, әлеуметтік және кәсіптік бағдар беруге ерекше назар аударылды.
Үздік STEM-педагогтердің тәжірибелері жинақталып, республика көлемінде таратылды.
Байқауға Қазақстанның барлық өңірінен 100-ден астам педагог қатысты.
Жеңімпаздар мен жүлдегерлер төрт бағыт бойынша анықталып, дипломдармен және бағалы сыйлықтармен марапатталды:
– І орын – 4 педагог;
– ІІ орын – 4 педагог;
– ІІІ орын – 4 педагог.
Жеңімпаздарды жетістіктерімен құттықтаймыз.
Үздік жоба авторларының жұмыстары республикалық әдістемелік жинаққа енгізілетін болды. Осы байқау барысында жеңімпаз атанған ұстаздар қауымына «Арман-ПВ» баспасы қолдау білдіріп, құнды кітаптарды сыйға тартты.