Өткен жылдың қорытындысында Garmin Forerunner 630 моделі үздік аталған.
"Роскачествоның" таңдауы бойынша, Garmin Forerunner 55 - 2021 жылдың ең жақсы смарт сағаты деп танылды, деп хабарлайды Almaty-akshamy.kz
«Роскачество» мамандары 2021 жылдың ең үздік смарт-сағаттарын таңдады. Зерттеулер мен рейтинг аталған ұйымның веб-сайтында жарияланды.
Сарапшылар Garmin Forerunner 55-ті жылдың ең жақсы смарт-сағаты деп атады.
«Бұл батареясының қызмет ету мерзімі 504 сағатты құрайтын нарықтағы ең дәл және ұзақ жұмыс істейтін модельдердің бірі», - делінген.
Үздік үштіктің үшеуін де америкалық өндірушінің аксессуарлары иеленді: екінші және үшінші орындарда тиісінше Garmin Venu Sq Music Edition мен Garmin Forerunner 745 тұр.
"Роскачествоның" мәліметінше, ең ыңғайлы сағат - 44 мм корпусы бар Samsung Galaxy Watch4. Apple Watch Series 7-ні iPhone үшін ең жақсы смарт-сағат деп атады: «Оның сенсоры сенімді, көптеген смарт қосымшасы бар, бірақ батареясы әлсіз».
Xiaomi Mi Watch 10 мың рубльден аспайтын сағаттар рейтингін бастап тұр: «Олар Android смартфондарымен де, iPhone телефондарымен де үйлесімді, сондықтан оларды Apple Watch-қа арзан балама ретінде қарастыруға болады». Бұл үштікке Realme Watch 2 Pro және Amazfit GTS 2 mini де кіреді.
«Смарт-сағаттарды пайдаланушылар үшін ең маңызды функция –денсаулықты бақылау және хабарландырулармен жұмыс істеу», - деді "Роскачество" халықаралық зерттеу бөлімінің басшысы Марина Боровкова.
2020 жылдың желтоқсан айында "Роскачество" мамандары Garmin Forerunner 630 моделін үздік сағат деп атаған болатын. Рейтингтің алғашқы ондығында Samsung, Fitbit, Apple және Huawei құрылғылары болды.