ҚР СІМ орынбасары Әлібек Бақаев Иран елшісі Али Акбар Джоукарды қабылдады, – деп хабарлайды aqshamnews.kz тілшісі.
ҚР Сыртқы істер министрінің орынбасары Әлібек Бақаев Иранның Қазақстандағы Төтенше және Өкілетті Елшісі Али Акбар Джоукармен кездесті. Тараптар Таяу Шығыстағы ахуалды талқылап, екіжақты ынтымақтастыққа қатысты ұстанымдарын нақтылады.
ҚР СІМ мәліметінше, кездесу барысында тараптар өңірдегі жағдайға байланысты пікір алмасқан. Сонымен бірге қазақ-иран байланысының өзекті мәселелері қарастырылып, жоғары деңгейдегі келіссөздер қорытындысы бойынша қол жеткізілген уағдаластықтарды іске асыруға дайын екенін растаған.