Шымкентте ұйымдасқан қылмыстық топ сотталды, - деп хабарлайды aqshamnews.kz тілшісі.
2023–2024 жылдар аралығында "А" есімді ер адам басшылық еткен қылмыстық топ «Telegram» әлеуметтік желісі арқылы аса ірі көлемде психотроптық заттарды заңсыз дайындап, сақтап, сатып келген.
Топ мүшелері Шымкентте есірткі зертханаларын ашып, прекурсорларды пайдалану арқылы есірткі заттарын өндірумен, сатумен айналысқан.
Арнайы операция жүргізу барысында қылмыстық топтың 4 мүшесі ұсталып, олардан 3 келіден аса психотроптық заттар, зертхана жабдықтары мен қаражаттар тәркіленді.
Шымкенттің қылмыстық істер жөніндегі мамандандырылған ауданаралық сотының 19.09.2025 жылғы үкімімен олар қылмыстық топ құру және оған қатысу, сондай-ақ аса ірі көлемде психотроптық заттарды сату, дайындау, өңдеу және сақтау, қылмыстық жолмен келген мүлікті заңдастыру деректері бойынша кінәлі деп танылып, 10 жылдан 15 жыл 6 айға дейінгі мерзімге бас бостандығынан айырылды.
Шымкентте Telegram арқылы есірткі сатқан қылмыстық топ сотталды
