Шымкентте жаяу жүргіншіні қағып өлтірген жүргізуші сотталды, - деп хабарлайды Аqshamnews.kz тілшісі.
27 мамырда Бердіқожа батыр көшесінде арнайы өткелден өтіп бара жатқан адамды көлік қағып, жәбірленуші оқиға орнында жан тапсырған.
Тергеу барысында көлік иесінің жол қозғалысы ережесін өрескел бұзғаны анықталды. Кінәлі азамат айыбын толық мойындап, жеңіл жаза тағайындауды сұраған.
Сот оны 2 жыл 6 ай мерзімге түрмеге тоғытып, 5 жыл бойы көлік құралын басқару құқығынан айырды.