8 тамызда Шымкент қаласында Димаш Құдайбергеннің қарындасы Раушан Құдайбергеннің үйлену тойы өтті, деп хабарлайды Aqshamnews.kz.
Мерекелік шарадан түсірілген фото мен бейнематериалдар әлеуметтік желілерде кеңінен таралып жатыр.
Раушан Құдайберген театр әртісі Ермахан Аймаханмен шаңырақ көтерді.
Той қонақтарының қатарында Құралай мен Мирас, Ұлықпан және Айған Жолдасова, Досымжан Таңатаров, Асхат Маемиров және басқа да өнер мен мәдениет өкілдері болды.
Айта кетейік, 1 тамызда Раушан Құдайбергеннің ұзату тойы өткен болатын. Сол кеште Димаш Құдайберген інісі Мансұрмен бірге «Қарлығаш ұя салғанда» әнін орындап, қонақтарға ерекше әсер қалдырған еді.