ҚМА Шымкент қаласы бойынша департаменті "Аяла Голд" қаржы пирамидасының қызметін тоқтатты, - деп хабарлайды Аqshamnews.kz.
Қаржы пирамидасы зергерлік бұйымдар сататын компания ретінде көрінген. Алайда күдіктілер азаматтарға ай сайын 50–60% көлемінде кепілдендірілген табыс уәде етіп, инвестиция салуды ұсынған. Сонымен қатар, салынған қаражат сақталатынына сендірген. Алайда төлемдер нақты пайда есебінен емес, жаңа қатысушылардан түскен қаражат есебінен берілген.
Нәтижесінде 400-ден аса салымшы тартылып, олар 1 миллиард теңгеден аса қаражат салған. Күдіктілер қылмыстық жолмен алынған табысқа бой көтеріп жатқан тұрғын үй кешенінен екі пәтер сатып алған. Сот санкциясымен бұл пәтерлерге тыйым салынды.
Бұдан бөлек күдіктілер өз туыстарын осы схемаға тартып, оларды "дроппер" ретінде пайдаланған. Яғни басқа салымшылардан түскен қаражатты олардың банк реквизиттері арқылы қолма-қол ақшаға айналдырған.
Қаржы пирамидасының ұйымдастырушысы екі ай мерзімге қамауға алынды.