6 қаңтарда Шымкент – Алматы автожолында төрт көліктің қатысуымен жаппай жол-көлік оқиғасы болды, деп хабарлайды Aqshamnews.kz тілшісі Otyrar-ға сілтеме жасап.
Алдын ала мәліметтерге сәйкес, апаттың негізгі себебі қолайсыз ауа райы болған. Таңғы уақытта өңірде ауа райы күрт нашарлап, жолды қою тұман басқан. Соның салдарынан көріну қашықтығы айтарлықтай төмендеген.
Жол апаты салдарынан екі адам түрлі жарақат алып, медициналық көмекке жүгінген.
Түркістан облысының полиция қызметкерлері Шымкент – Түркістан және Алматы – Тараз бағыттарымен жүретін жүргізушілерді жол қозғалысы ережелерін қатаң сақтауға, қауіпсіз арақашықтықты ұстануға, жылдамдықты асырмауға және қауіпсіздік белдігін тағуға шақырды.