Қазақстандағы ең ірі энергетикалық көмір өндірушілерінің бірі «Шұбаркөл көмір» АҚ биыл көмірді жеке тасымалдау пунктін ашпайды, деп хабарлайды Almaty-akshamy.kz.
Компанияның баспасөз қызметінің мәліметі бойынша, мұндай шешім жақын маңдағы елді мекендерде көмір тапшылығын болдырмау, сонымен қатар жүк көліктері жүргізушілері арасындағы жанжалдың алдын алу мақсатында қабылданғанын хабарлады.
«Жыл сайын көмірге сұраныс жоғары кезеңде жеткізу орнында көліктердің тым көп жиналады. Мұнда күніне 400-ге дейін көлік келіп, орташа есеппен бір жүргізуші үш күн кезекте тұрды», - деп жазылған хабарламада.
Енді көмір тасымалдауды көздеген азаматтар «Көмір гарант» ЖШС жанармай базаларынан көмір сатып ала алады:
Жезқазған қаласында (Ұлытау облысы);
Жаңа-арқа ауылында (Ұлытау облысы);
Осакаровка ауылында (Қарағанды облысы);
Қостанай, Арқалық қаласында, Аманқарағай станциясында (Қостанай облысы).
«Аталған отын базаларына көмір жеткізу теміржол көлігі арқылы үздіксіз жүзеге асырылады. Осылайша, бұл өңірлердегі сатып алушыларға Шұбаркөл кен орнына барып, бірнеше күн көмір кезегіне тұрудың қажеті жоқ. Олар өз елді мекендерінен көмір сатып ала алады», - деді компаниядағылар.
Астанада Шұбаркөл көмірі үш бөлшек сауда нүктесінде сатылып жатыр, деді компания өкілдері. Жылыту маусымында Астанаға күніне 10-15 вагон көмір жеткізіледі.
Қарағанды облысы Нұра ауданына қарасты ауылдардың тұрғындары үшін елді мекендерге мүмкіндігінше жақын жерде қосымша отын базалары ашылады, деп сендірді компаниядағылар.