11 маусымнан бастап қысқа мерзімді Шенген визасының құны көтеріледі. Аталмыш виза бағасының өсетінін Еуропалық комиссия растап отыр, деп хабарлайды аlmaty-akshamy.kz.
Брюссель Шенген визасы ең қолжетімді визалардың бірі болып қала беретінін мәлімдеді. Виза бағасы 12 пайызға көтеріледі. Өтінім құны ересектер үшін 80 еуродан 90 еуроға (шамамен 43 740 тг) дейін және балалар үшін 40 еуродан 45 еуроға (шамамен 21 870 тг) дейін өседі.
Комиссия бұған мүше елдердегі инфляция кінәлі екенін айтты. Брюссель басқа елдерге виза құнымен салыстырғанда алымдар әлі де «салыстырмалы түрде төмен» екенін түсіндірді. Мысалы, Ұлыбританияға виза 134 еуро, АҚШ-қа - шамамен 185 еуро, Австралияға - 117 еуро тұрады. Шенген елдеріне Ирландия мен Кипрді қоспағанда, ЕО-ға мүше елдер, сондай-ақ Румыния мен Болгария кіреді. Норвегия, Исландия, Лихтенштейн және Швейцария ЕО мүшелері болмаса да, Шенген конвенциясының мүшелері болып табылады.