Бразилияның Тиангуа қалалық кеңесінің мүшесі Эудес Алвес Гомеш тазарту жұмыстарын жүргізіп жүріп, қайғылы жағдайға тап болды. Ол трактормен ағашты соғып кетіп, ағаштағы ара ұясы құлатып алған, деп хабарлайды aqshamnews.kz
Кабинадан шыққан шенеунікке аралар тап берген. Ара шаққаннан кейін ер адам анафилактикалық шок алып, ауруханаға жеткізілді. Алайда дәрігерлер оның өмірін құтқара алмады.
Бұл жағдай жәндіктер мекендейтін аймақтарда жұмыс істеу кезінде сақтық шараларын қатаң сақтау қажеттігін тағы бір рет еске салады.