Ultimate Fighting Championship (UFC) жартылай орта салмақтағы файтерлердің жаңартылған рейтингін жариялады. Қазақстандық файтер Шавкат Рахмонов (18-0) өз орнын сақтап, үздік үштікте қалып отыр. "Номад" лақап атымен танымал Рахмонов, жеңіліссіз рекордын жалғастыруда.
Бірінші орынға америкалық Камару Усман жайғасса, екінші орынға АҚШ-тың тағы бір өкілі Белал Мухаммад табан тіреді. Үшінші орында қазақстандық Шавкат Рахмонов тұр.
Реті келгенде айта кетейік, ұлыбританиялық Леон Эдвардс жартылай орта салмақтағы чемпион атанған.
Шавкат Рахмонов - Қазақстан атынан аралас жекпе-жекке қатысатын белді спортшы. Ол Октагонның барлық жанкүйерлерін Бразилиядан келген UFC ардагері Алекс Оливейраны жеңіп, таң қалдырған еді.
Бұл жаңалық қазақстандық спортшылардың халықаралық аренада жоғары деңгейде өнер көрсетіп жатқанын дәлелдейді. Шавкат Рахмоновтың келесі жекпе-жегін асыға күтетін жанкүйерлер саны күн санап артуда.