Шашты ұдайы немесе жиі бояу қатерлі ісіктің пайда болу қаупін арттырады.
Бұл жайында «Доктор Питер» басылымына сұхбат берген ресейлік онколог дәрігер Хамис Магомедова айтты, деп хабарлайды Almaty-akshamy.kz.
Осылай деген ол 2019 жылдың соңында жарық көрген International Journal of Cancer мерзімді басылымындағы ғылыми деректерге сілтеме жасай отырып, шашты жылына бір рет бояудың өзі қатерлі ісік ауруының ықтималдығын тоғыз пайызға арттыратынын алға тартты.
Бұдан бөлек, шаш күтіміне арналған көптеген өнімдер құрамында гормоналды деңгейге және ағзадағы өмірлік процестерге теріс әсер ететін улы компоненттер барын жеткізді.