Гималайдағы мұздықтар еріп жатыр.
Ғалымдар «Мұның салдары өте ауыр болады» деп болжайды.
Өйткені таулы аймақта 240 миллион адам тұрады. Еру осылай жалғаса берсе 2100 ші жылға қарай әлемдегі ең биік таудағы мұздықтардың 75 пайызы жойылып, соңы алапат тасқынға ұласып, ауызсу тапшы болуы мүмкін, деп хабарлайды Almaty-akshamy.kz 24.kz-ке сілтеме жасап.
Бұған бірінші кезекте ғаламдық жылыну себеп. Негізі мұздықтардың белсенді түрде еруі 2010 жылы басталды.
«Мұздықтардың еруіне ауаға зиянды газ қалдықтарының бөлінуі тікелей себеп болып отыр. Негізі біз ғаламдық жылыну көрсеткішін 1 жарым градус деңгейінде ұстауымыз керек. Былай қарасаңыз, 2100 жылға дейін ұзақ уақыт бар сияқты, бірақ қазірден қамданбасақ, миллиондаған адам үлкен зардапқа ұрынғалы тұр. Жыл сайын мұз бен қардың қалыңдығы жұқарып жатыр», - дейді мұз қабаты бойынша маманМириам Джексон.