Қазақстанда атом электр станциясын салуды қолдау жөніндегі халықтық штаб өкілдері Маңғыстауға барды, деп хабарлайды aqshamnews.kz 24.kz-ке сілтеме жасап.
Еңбек ұжымдары мен Сенек ауылының тұрғындарымен кездесіп, жобаның артықшылықтарына тоқталды. Шалғай өңірде электр қуатына сұраныс жылдан жылға артып келеді.
Энергияның жетіспеушілігі аймақта тұрғын үй-коммуналдық инфрақұрылымның дамуына, жаңа кәсіпорындарды құру жұмыстарына кері әсер етуде. Мәселені шешу үшін, Маңғыстауды еліміздің бірыңғай тоқ жүйесіне қосу жұмыстары жүріп жатыр.
- Мемлекет басшысының «Халық үніне құлақ асатын мемлекет» концепциясы Қазақстанда жылдан жылға өте сапалы іске асып келе жатыр. Ал еліміздің тарихында тұңғыш рет әлеуметтік-қоғамдық мәселені референдумға шығарып отыр. Бұл, мемлекет басшысының соңғы бес жылдықта ұстанып келе жатқан ең негізгі бағыттардың бірі. Ал осы жасалып жатқан жұмыстар бұл тікелей Қазақстанда жаңа саяси-қоғамдық мәдениет қалыптасып жатқанының бірден бір белгісі, деді ҚР Парламенті Мәжілісінің депутаты Елнұр Бейсенбаев.