Серік Сәпиевтің қатысуымен болған резонансты оқиғаға байланысты жүргізілген сотқа дейінгі тергеп-тексеру кадрлық шешімдер қабылдаумен аяқталды, - деп хабарлайды Aqshamnews.kz.
Қоғамдық талқылау, қызметтік тексеру және спорт саласындағы басқару жүйесіне жүргізілген аудит нәтижесінде Қарағанды облысы әкімдігі Серік Сәпиев пен оның орынбасары атқарып отырған лауазымдарынан босатылғанын хабарлады.
Қарағанды облысы полиция департаментінің мәліметінше, оқиға барысында екі ер адам арасында алдымен жанжал туындап, кейін ол төбелеске ұласқан.
Аталған жағдайға қатысты Серік Сәпиев әлеуметтік желідегі парақшасында кеңейтілген түсініктеме беріп, бұл оқиғаның жеке немесе тұрмыстық сипатта болмағанын мәлімдеген еді.