Сейфуллин-Жансүгіров жолайрығын іске қосу бірқатар көшелердің өткізу қабілетін орта есеппен 15-20-ға арттыруға мүмкіндік береді
Алматы мәслихатының кезекті сессиясы барысында қалалық мобилділік басқармасының басшысы Сағындық Телібаев депутаттардың осы жолайрығын іске қосудың әсері және көлік саласындағы басқа да ірі жобалар құрылыстарының барысы туралы сұрақтарына жауап берді, деп хабарлайды aqshamnews.kz
«Сейфуллин даңғылы мен Жансүгіров көшесінің қиылысында жолайрығын салу Сейфуллин даңғылында өткізу қабілетін 15-20% – ға, Жансүгіров көшесі бойынша 15% - ға арттыруға мүмкіндік береді деп күтілуде», - деп атап өтті Сағындық Телібаев.
Оның айтуынша, бүгінде Саин, Төле би және Жұбанов көшелерін ұзарту жалғасуда. ҚМБ-ның басшысы бұл жұмыстың тиімділігі қаланың батыс және солтүстік-батыс бөліктеріндегі кептелістерді 15% - ға азайту екенін атап өтті.
«Сонымен қатар, Саин көшесі БАКАДҚА дейінгі радиалды жол болып табылады, бұл қаланың солтүстік-батыс бөлігін Үлкен Алматы айналма автомобиль жолына шығумен қамтамасыз етеді. Ал бұл өз кезегінде қала құрылысы аумағынан тыс транзиттік автокөліктің өтуі есебінен қаланың көше-жол желісінде көлік жүктемесін азайтады», - деді ол.
Естеріңізге сала кетейік, Сейфуллин-Жансүгіров жолайрығындағы қозғалыс ағымдағы жылдың соңына дейін ашылады деп жоспарлануда. Бүгінгі таңда «Батыс» және «Шығыс» өткелдерінде рампалық учаскені, тротуарларды орнату, инженерлік желілерді қайта құру, сондай-ақ жер үсті жаяу жүргіншілер өткелін салу бойынша жұмыстар жүргізілуде.