Бұдан бұрын қазақ қызының Америка қаржысын басқаруы мүмкін екенін жазғанбыз.
Қазақстан тумасы, Корнель университетінің банк құқығы профессоры Сәуле Омарованы АҚШ Президенті Джо Байден АҚШ-тағы банк секторының негізі реттеуіші - Ақша айналымын бақылау басқармасының басшысы (Office of the Comptroller of the Currency, OCC) етіп тағайындамақ, деп хабарлайды Almaty-akshamy.kz
Бұл туралы жазған Bloomberg ақпарат агенттігінің мәліметіне қарағанда, Омарованың ресми кандидатурасы осы аптада ұсынылуы мүмкін. Егер ол осы қызметке бекітілсе, 1863 жылы негізі қаланған банк реттеуішін басқаратын алғашқы әйел болмақ.
OCC - АҚШ Қаржы министрлігінің тәуелсіз бөлімшесі. Реттеуші 1200 триллион долларлық активтері бар 14 банкті бақылайды, бұл АҚШ-тың банк жүйесінің барлық активтерінің үштен екісін құрайды.
Сәуле Омарова – Қазақстанның тумасы, қаржы секторын реттеуге және қаржы мен экономикаға мамандандырылған заң профессоры және Нью-Йорк адвокаттар алқасының мүшесі.
1989 жылы Мәскеу мемлекеттік университетін, 1999 жылы Wisconsin университетін бітіріп, 2001 жылы Northwestern университетінің заң факультетінде заң ғылымдарының докторы атанған. Қазір Корнелл университетінің профессоры.
Ол Джордж Буштың жанындағы АҚШ Қаржы министрлігіндегі реттеуші саясат жөніндегі арнайы кеңесші болған, оған дейін бес жыл Davis Polk & Wardwell заң фирмасында жұмыс істеген.