Адамның табиғатқа әсері барған сайын жойқындала түсіп отырған қазіргі әлемде ЮНЕСКО бірегей мәдени және табиғи мұрасы бар ерекше геопарктер құруда. Ал өзінің бай табиғи және мәдени әртүрлілігімен танымал болып отырған Қазақстан осы табиғи ресурстарды сақтау жөніндегі халықаралық бастамаға белсенді түрде қатысуда, деп хабарлайды aqshamnews.kz
Осы үдерістегі тағы бір қадам – Сәтбаев университетінде өткен «ЮНЕСКО геопарктері тұрақты даму және ынтымақтастық үшін» атты халықаралық геофорум болды, ол БҰҰ мен ЮНЕСКО-ның демеушілігімен өтті. Форумға мәдени және табиғи мұраны сақтау саласында жұмыс істейтін әртүрлі елдердің мамандары, Қазақстанның университеттері мен ұлттық саябақтарының өкілдері жиналып, дүние жүзіндегі керемет әсем табиғи орындарды дамыту жөнінде тұрақты дамыту бағдарламасы алдында тұрған сын-қатерлерге қарсы тәжірибелерімен және міндеттерімен бөлісті.
Бүгінгі таңда ЮНЕСКО-ның жаһандық геопарктер бағдарламасы 48 елдегі 190-нан астам нысанды қамтиды. «Geopark Aral» Қазақстан бойынша осы бағдарламадағы алғашқы геопарк болады. Оның негізін қалаушы – Аралды құтқару жөніндегі халықаралық қоры.
Іс-шара Сәтбаев университетінің қолдауымен, ҚР-ның ЮНЕСКО және ИСЕСК істері жөніндегі Ұлттық комиссиясының бас хатшысы Жанар Шайменованың, Қызылорда облысы әкімінің орынбасары Ардақ Зебешевтің, Қазан федералды университетінің өкілдері және «Янган-Тау» геопаркі жобалау тобының, сондай-ақ халықаралық сарапшылардың қатысуымен өтті.
Бұл геофорум геопарктерді заңнамалық реттеудің маңызды мәселелерін, ғылыми-зерттеу құзыреттіліктерін және тұрақты дамуды қалыптастырудағы геопарктердің рөлін талқылауда, сондай-ақ геопарктерді құру бойынша тәжірибе алмасуға және табиғи мұраны сақтау саласы бойынша халықаралық сарапшыларды оқытуға арналған ғылыми-сараптамалық алаң рөлін атқарды.
Сәтбаев университеті үшін форум тұрақтылық қағидаттарына негізделген жобаларды құру және жүзеге асыру бойынша жинақталған тәжірибемен алмасудың тағы бір мүмкіндігі болды. Жұмыс сессиялары мен екіжақты кеңестер барысында заманауи университет жұмысындағы жаһандық күн тәртібін енгізудегі қиындықтарды еңсеру жолдары, жобалық тәуекелдерді талдау әдістері және жаһандық бастамаларды жүзеге асыруға қауымдастықтарды тарту мәселелері талқыланды. Кездесулер нәтижесінде Сәтбаев университетінің Тұрақты даму жөніндегі жобалық кеңсесінің өкілдері ынтымақтастық қарым-қатынасты жалғастыруға және Қазан мен Башқұртстан университеттері үшін кеңейтілген вебинар ұйымдастыруға келісті.