Тайландта өтіп жатқан бокстан Азия чемпионатында ерлер арасындағы финалдың алғашқы жекпе-жегі басталды. Бұл жолы шаршы алаңда қазақстандық Санжар Тәшкенбай мен өзбек боксшысы Шодиержон Меликузиев кездесті, деп хабарлайды aqshamnews.kz
Қарсыластар арасында өткен тартысты жекпе-жекте төрешілер өзбек боксшысын жеңімпаз деп таныды. Осылайша, Санжар Тәшкенбайға Азия чемпионатының алтын медалі бұйырмады.
Айта кету керек, бұған дейін олар екі рет кездесіп, әрдайым Санжар Тәшкенбай жеңіске жеткен еді. Бірақ бұл жолы өзбек боксшысы мықты қарсылас болып шықты.