Егер сіз жаңадан салынатын үй сатып алуды ойласаңыз, EGov Mobile мобильді қосымшасында іске қосылған жаңа қызмет арқылы құрылыс объектілерінің заңдылығын оңай тексере аласыз, деп хабарлайды aqshamnews.kz.
Бұл сервис әсіресе үлескерлер үшін өте тиімді, өйткені олар үй сатып алудан бұрын оның заңды құрылысқа рұқсаты бар-жоғын біле алады.
Құрылыс объектілерінің заңдылығын тексеру үшін төмендегі үш қарапайым қадамды орындаңыз:
-
EGov Mobile қосымшасына кіріңіз.
-
«Басты» бөлімінде «Басқа қызметтер» батырмасын басыңыз.
-
Қызметтер тізімінен «Тұрғын үй порталын» тауып, оны таңдаңыз.
Бұл қадамдардан кейін сіз тұрғын үй порталына өтесіз. Объектіні тексеру үшін құрылыс компаниясының:
-
БСН/БИН нөмірін,
-
Компания атауын немесе
-
Тұрғын үй кешенінің атауын енгізу қажет.
Қазіргі таңда Қазақстанда құрылысқа рұқсаты жоқ 181 объект бар екен. Оның 100-і Алматы қаласында, 26-сы Астана қаласында, ал Шымкент, Ақтөбе және Маңғыстау облыстарында әрқайсысында 10 нысаннан бар.
Сондықтан, үй сатып алмас бұрын оның заңдылығына назар аударыңыз. Құрылыс рұқсаты бар үйге ақша салу сіздің болашақтағы қателіктерден қорғайды.