Тұтынушыларға заманауи қызмет көрсету үшін -сәлемдемелерді жөнелту мен мерекелік сыйлықтарды, хат-хабарларды жеткізуді ұшақ арқылы да жүзеге асыруға болады.
Air Astana «Есіктен – есікке дейін» MyMAIL пошта жеткізудің жаңа қызметін іске қосып отыр. Қызметтің бұл түрі қазіргі уақытта пилоттық режимде Алматы мен Астана қалалары арасында жүзеге аспақ. Жедел поштаны жеткізу Air Astana компаниялар тобының тікелей рейстерімен қолжетімді.
Тұтынушылар жеткізу туралы өтінішті https://mymail.airastana.com/ сайтында сәлемдеменің түрі мен салмағы, сондай-ақ жөнелтуші мен алушының мекенжайы көрсетілген онлайн-режимінде жасауға болады. Қызметтің құны жөнелту және келіп жету әуежайларынан мекенжайлардың қашықтығына байланысты есептеледі. Пилоттық жобада тапсырыс нөмірі бойынша сәлемдемені қадағалау функциясы да қарастырылған.
Жеткізуге қабылданатын заттар:
- Салмағы 5 кг-ға дейінгі жазбаша хат-хабар;
- Салмағы 5 кг-ға дейінгі және 35х45х15см-ден аспайтын сәлемдемелер;
- Құжаттардың түпнұсқасы (соның ішінде төлқұжат, жүргізуші куәлігі және т.б.).
Айта кеткен жөн, әуежайда қауіпті жүк пен жөнелтуге тыйым салынған заттардың бар-жоғын визуалды тексеру үшін жөнелтілімдер жабылмаған түрде қабылданады. Жөнелтуге тыйым салынған заттар тізімі mymail.airastana.com сайтында жарияланған. Тұтынушылар қалауы бойынша келіп жету әуежайынан ғана жеткізуді рәсімдей алады. Анықтама үшін мына телефондарға хабарласуға болады: +7 (727) 270-31-40, +7 (727) 270-30-53.