Тұрғындар арасында салауатты өмір салтының танымалдығы төмен.
Қала тұрғындарының 34%-ы ғана дене шынықтырумен айналысады, деп хабарлайды Almaty-akshamy.kz
Оның үстіне 65 мың шаршы метрдей спорттық-рекреациялық инфрақұрылым жетіспейді.
Дене шынықтырумен және спортпен айналысатын тұрғындарды қамтуды 2025 жылға қарай 40%-ке, 2030 жылға қарай 50%-ке көбейту мақсат етілді.
2025 жылға дейін:
Футбол, баскетбол, волейбол, хоккей бойынша мектеп және студенттер клубтарын, лигаларын құру
Жылына кемінде 35 ірі халықаралық деңгейдегі бұқаралық іс – шаралар - марафондар, веложарыстар, триатлондар, чемпионаттар өткізу
Мемлекеттік және жеке қаражат есебінен стрит-спортты белсенді дамыту: саябақ аймақтарында жүгіруге арналған кемінде 30 км жол, стритбол, скейтбординг, BMX және Open Air фитнес үшін кемінде 16 алаң салу
Кемінде 6 дене шынықтыру-сауықтыру кешенін салу (жалпы ауданы 30 мың шаршы метрден астам), ерекше қажеттіліктері бар адамдар үшін бейімдей отырып, жұмыс істеп тұрған спорт объектілерін жаңғырту.
2030 жылға дейін:
Орталық стадионды халықаралық стандарттар бойынша 45 мың орындыққа дейін ұлғайта отырып жаңғырту.
Жаңа полиорталықтарда кемінде 10 қосымша дене шынықтыру-сауықтыру кешенін салу (әрқайсысының ауданы 5 мың шаршы метрден жоғары)
Жеңіл атлетика манежін салу көзделіп отыр.
«Спорт - денсаулық кепілі». Сондықтан осы сала туралы өз пікіріңізді 1 шілдеге дейін төмендегі сілтеме арқылы «Алматы қаласын дамыту орталығы» АҚ сайтында қалдырыңыз.