Зульфия Хусеинова, Түрік этномәдени орталығы Аналар кеңесінің төрағасы:
– Еліміз егемендігін алған кезден бастап мемлекетті басқаруда халықтың араласуы маңызды екенін Қазақстан талай мәрте көрсетті. Әділетті, мәдениетті түрде сайлаудың өтуі бұл сөзімізге дәлел бола алады.
Бұл жолы кандидаттар өте көп, бірақ оларды бір мүдде біріктіреді. Олар – елдегі тұрақтылықты қалайтын қарапайым халықтың өкілдері. Бұл жолғы сайлаудың ерекшелігі де осы, болашақ депутаттардың бәрі қарапайым халық арасынан шыққан азаматтар. Еліміздің болашағы үшін дауыс беру, таңдау жасау әр азаматтың борышы деп санаймын. Қазақстан Республикасының азаматы ретінде сайлауға қатысу мен үшін үлкен мәртебе. Бүгін, міне, Наурызбай ауданындағы № 516 сайлау учаскесіне келіп дауыс бердім. Дауыс беруге келіп жатқан халықтың қарасы көп екен, белсенді азаматтарды көріп, көңілім көтеріліп қалды.