2025 жылғы 8 қыркүйекте Алматы қаласының аумақтық сайлау комиссияларының төрағалары Алматы қаласы бойынша Қазақстан Республикасы Конституциясының 30 жылдығына арналған іс - шаралардың жоспар-кестесін іске еңгізү шеңберінде "Сайлау-демократиялық қоғамның іргетасы" атты қонақ дәрістерін өткізді, деп хабарлайды Аqshamnews.kz тілшісі.
Қонақ дәрістеріне 9-11 сынып оқушылары мен қала колледждерінің студенттері жас және болашақ сайлаушылар ретінде қатысты.
Қонақ дәрістерінің негізгі мақсаты - жастардың сайлау мәдениетін арттыру. Дәрістерде сайлау заңнамасының негізгі ұғымдары мен принциптері, сайлау жүйелері мен сайлау кезеңдері түсіндірілді.
Барлығы 17 дәріс өткізіліп, оған 1355 адам қатысты. Өткізілген дәрістер жастар арасында үлкен қызығушылық тудырды. Сондай-ақ, талқылау барысында Мемлекет Басшысы Қасым-Жомарт Тоқаевтың 2025 жылғы 8 қыркүйектегі Қазақстан халқына Жолдауында жарияланған алдағы парламенттік реформаға байланысты мәселелер көтерілді.
