Қырғыз Республикасының президенті Садыр Жапаров 9 қыркүйекте Қатар астанасы Дохада болған зымыран соққыларын қатаң айыптады, деп хабарлайды Aqshamnews.kz тілшісі kabar.kg-ге сілтеме жасап.
"Бұл әрекеттер халықаралық құқық пен БҰҰ Жарғысының қағидаттарын бұзады, сондай-ақ Қатар мемлекетінің аумақтық тұтастығы мен егемендігіне нұқсан келтіреді", – делінген президент мәлімдемесінде.
Бұған дейін не болған еді?
9 қыркүйекте Израиль Дохаға соққылар жасады. Негізінен тұрғын үйлер зардап шекті, онда ХАМАС басшылығының делегациясы АҚШ ұсынған соңғы татуласу ұсынысын талқылауға келген болатын. Қатар Израильдің шабуылын айыптады.
Қатар билігі тұрғын аудандағы Израиль соққысынан заң жүзінде жауап дайындау үшін адвокаттар тобы құрылғанын жариялады. Премьер-министр Мухаммед бен Абдеррахман Әл Тани Израиль әрекеттері халықаралық құқықты бұзып, АҚШ бастамасымен қолға алынған Газадағы келіссөз процесін әлсіретеді деп атап өтті.