Іс-шараға медицина саласында ұзақ жылдар қызмет еткен ардагерлер де қатысты
Республика мерекесі қарсаңында алматылық медицина қызметкерлері марапатталды, деп хабарлайды Almaty-akshamy.kz Almaty.tv-ге сілтеме жасап.
Іс-шараға медицина саласында ұзақ жылдар қызмет еткен ардагерлер де қатысты. Тарихи маңызды күнде кәсіби біліктілігімен көзге түскен бірқатар мамандар кеуделеріне медаль тақты. Сондай-ақ жаңадан қатарға қосылған жас мамандар ел алдында ант қабылдады. Олар халыққа адал қызмет етуге уәде берді. Іс-шара соңы концертке ұласып, әсем-әнмен жалғасты.
«Өте жақсы мереке деп ойлаймын. Қазақстанның жастарына патриотизмге баулу үшін қажет. Өзіңіз білетіндей, «халықтың патриотизмін көтеру керек», «жастарды тәрбиелеу керек» деген пікір көп айтылып жүр. Сондықтан ұлық мереке атап өту дұрыс болады», – деді №37 емхананың рентгенолог дәрігері Ақылжан Ахметғалиев.