Республика күнін мерекелеу аясында 2025 жылы 21 қазанда «Астана» алаңында қала әкімі қатысатын Алматы қаласы Қоғамдық денсаулық сақтау басқармасының «Жедел медициналық көмек қызметі» мекемесіне жаңа санитарлық автокөлік кілтін тапсыру салтанатты іс-шарасы өтеді, деп хабарлайды aqshamnews.kz
Қауіпсіздікті қамтамасыз ету және іс-шараны ұйымдастыру мақсатында көлік қозғалысы Қазақстан – Британ техникалық университеті ғимаратының жанындағы Төле би көшесінің Абылай хан көшесінен Панфилов көшесіне дейінгі аралықта екі бағытта да уақытша шектеледі.
Қозғалыс 21 қазанда сағат 10:30-дан іс-шара аяқталғанға дейін шектеледі.
Қала тұрғындары мен қонақтарынан уақытша қолайсыздыққа түсіністікпен қарауды және қозғалыс бағыттарын алдын ала жоспарлауды сұраймыз.
Естеріңізге сала кетейік, көлік қозғалысын шектеу туралы соңғы ақпарат Almaty.kz және @AlmatyJoly Telegram арнасында жарияланып отырады.